الحمد لله رب العالمين كما كنا فى الماضى نحن عليه حتى الان فوجئت بيطلبوا منى فى نقابة المهن الزراعية ومعى كل نقباء الزراعيين اقرار ذمة مالية فجاءة كدة وكنا نسينا هذا الموضوع منذ احالتنا على المعاش وكنا بنقدم هذا الاقرار اثتاء الوظيفة كل عام ماشى من حق الدولة والمسئولين انهم يطمنوا على اقتصاد البلد وتطبيق قانون من اين لك هذا على الذين يتحولوت الى قطط سمان من الموظفين العموميين فى الحكومة دون غيرهم من فئات الشعب الاخرى وكنا زمان بنشترى اقرار الذمة المالية من البريد بمبلغ خمسة جنيهات ونشطب على كل البيانات بالسلب لان الحمد لله لم نكن نملك شئ ولم يتغير عندى شئ فلا املاك ولا اراضى ولا عمارات ولا اشترينا ذهب والحمد لله كنا بنشطب ونسلم الاقرار فاضى
استمر الحال على ما هو علية رغم كل المناصب والكراسى فى المجال التنفيذى والسياسى وكل المغريات الوظيفية التى مررت بها فكانت التربية الصحيحة والتدين الحقيقى والوطنية الصادقة هى المانع الاول والاخير لكى نحاول ان نغير من بيانات اقرار الذمة المالية ولو لمرة واحدة ولو حتى ندون متر ارض او حتى خاتم ذهب ابدا الحمد لله كنت بدون انى امتلك الستر من ربنا
وبعد 16 سنه معاش طلبوا منا اقرار ذمة مالية قلنا خير يمكن الدولة هتبداء تفحص وتحارب الفساد وتصلح من شان العباد وتحاسب القطط السمان اللى زادوا هذه الايام عن الحد والمعقول فرحت طبعا واسرعت الى مكتب البريد وفوجئن ان ثمن اقرار الذمة المالية اصبح 105 جنية هو هو لا تغيير اشتريتة مجبر اخاك لا بطل لا يفكروا انى خاءف من اتساع املاكى واساطيل سياراتى وما بنيتة من ابراج وانى تحولت من مستاجر غلبان الى مالك كبير اتحكم فى الناس المهم عرفت السر انهم بيطلبوا اقرار الذمة المالية منا علشان نتبرع للدولة كل واحد بمبلغ 105 جنية وكنت فاهم غلط زى كل مرة انهم هيكتشفوا الفساد والفاسدين ويحاسبوا القطط السمان المهم مطولش عليكم اشتريت اقرار الذمة المالية وزى زمان لا تغيير ولا تبديل شطبطت على كل البيانات ووقعت ورحت اسلم الاقرار نظروا لى وقالوا معقولة مفيش تغيير خالص انت عجيب قلت لا يافندم فية تغيير انا مكتبتوش ليه وازاى انت تتحاسب عليه رديت وقلت ما فيش له خانة فى اقرار الذمة المالية ازاى زى الناس نسيت اكتب وملقتش خانه فيها بيانات القروض اللى بعملها من البنوك علشان اتعالج واعرف اعيش بعد ما قدمناة للبلد بامانة واخلاص وتفانى اخرتها احنا اللى بنقدم اقرار الذمة المالية حتى بعد المعاش
اما البهوات والقطط السمان ورجال الاعمال واصحاب ارصدة البنوك بعد ان كانوا شحاتين بيقولوا احسنكم لله فلا اقرار ذمة ولا يحزنون لانهم فى الاصل لا ذمة ولا دين وكل اموالهم من دم الشعب وهم خارج نطاق الخدمة فى اقرارات الذمة المالية
ياترى هيطلبوا من نواب البرلمان اقرار ذمة قبل الدخول وعند الخروج ويكون فيه محاسبة ياترى هيحاسبوا حرامية واغنياء الاحزاب والقوائم على العمارات والاستراحات واساطيل السيارات وفيلات التجمع ولا دول لامؤاخذه ملهمش حساب ولا عتاب
مش هنندم ولا نزعل على امانتنا وعملنا بشرف ونزاهة ولم نمد ايدينا الى الحرام وحافظنا على بلدنا ولم ننسى اخلاقنا وفقرنا مش عيب ولا حرام بل هو وسام شرف من درجة الفقر الممتازة على الاقل محدش كاسر عنينا ولا بيعايرنا بحاجة ومن نبت من حرام فالنار اولى به
قدمنا اقرار الذمة المالية متشطب زى زمان بالضبط لا تغيير ولا تبديل ولا حد له عندى جاجة
مش كده ولا ايه
