جريدة الاخبارية سياسية::شاملة::مستقلة
مقالات مشابهة
شد رحالك.
قول موالك
أسند نفسك
لو مالت الدنيا عليك
ميل علي دراعك
لا حد هاينفعك ولا حد هايقول مالك
شيلتك شيلها لوحدك
جيت للدنيا بطولك
وهاتخرج منها بعملك
بلاش تعشم روحك
بعد ابوك مفيش غير ربك
ماتلاقيش غيره واقف جنبك
اصل الدنيا ياعم مصالح
هات وخد
لا اخ بيسأل علي اخوه
ولا ابن بينفع أبوه
ولا اخت بتصالح
هي رسالة وبنقضيها
وايام العمر غصب عنا هانعديها
جفف دمعك
و الحق وقتك
قبل ياسيدي الدنيا ماتاخدك
