جريدة الاخبارية سياسية::شاملة::مستقلة
مقالات مشابهة
..الإستغباء وإنت فاهم كل حاجه..
دي مش بس موهبة، دي متعة عظيمة، خليك زى المخرج ..عارف كل الى بيحصل فى الفيلم ..
إنك تبقى شايف كل حاجة، وفاهم كل اللي بيتقال وبيترمي من تحت لتحت،وواضح ليك نوايا الى قدامك
بس سايب الناس على راحتها.. بيحكوا، بيتفلسفوا، بيلفوا ويدوروا،
وإنت من جواك بتضحك!
عارف ليه؟
عشان القوة مش دايمًا في الرد،
القوة أوقات بتكون في الصمت..
في إنك تسيب كل واحد يكمّل تمثيله بجداره، وإنت بتتفرج من بعيد.. ولا كأنك فاهم حاجة.
في ناس لازم تديهم الإحساس إنهم أذكى منك علشان يرتاحوا وترتاح انت من قرفهم ،
وساعات كتير بتوفّر على نفسك وجع دماغ،
لما تبقى عارف إنك قادر ترد وتكسب، بس مش حابب تنزل لمستوى اللعب بتاعهم.لانك راقى ومش هتدخل نفسك فى مهارات فاضيه مع ناس عقيمة الفكر
فـ آه، أهو لازم ساعتها بنستغبي،بس طبعا مش على اى حد من خلق الله بس هقولكم .. على مين؟
على اللي فاكر نفسه بيلعب علينا،
وإحنا اهو بنشرب الشاي وبنتفرج وسايبينهم يعيشوا الوهم لحد ما يزهقوا.
الصمت أوقات بيكون أقوى من ألف كلمة،
واللي بيفهم بيفهم من أول نظرة
