نصيحة للانسان او الى بيسمى نفسه انسان
مش لازم اللي يريحك… يريحني.
ومش المفروض اللي انت شايفه بسيط… أنا كمان أعديه كأنه ما حصلش.
في حاجات ممكن تمر على الانسان مرور الكرام،
بس لما توصلنا بطريقة معينه معروفه اهدافها ساعتها… بتلمس اماكن جوانا أحنا بس اللي عارفينها.
الاختلاف بينا مش خلاف،
بس المشكلة بتحصل لما تبدأ تقيس مشاعري بمسطرة مشاعرك،
وتستناني أتصرف زي ما كنت انت هتتصرف…
وكأني نسخة منك، وكأني ما أستحقش يكون ليّ طريقتي الخاصة في التعبير،
في الحُزن، في الغضب، في القبول، وفي الرفض كمان.
أنا ليّا تكويني،وانت لك تكوينك
ليّا تاريخ ومواقف جوه قلبي، عمرك ماهتفهما، بس الاكيد انها مأثره عليّا،
ليّا تجاربي اللي شكلت ردود أفعالي،
فليه اكون اصلا عصبية…انما لما الاقيك عصبي اكيد هعمل ردة فعل فتكون دي ساعتها اسمها دفاع،
مش زعل زيادة… دي حساسية من كتر ما اتوجعت في نفس النقطة قبل كده والى ادامك مش فاهم ودايس بردو
فمن فضلك يا انسان يابنى آدم يا محترم
لما تلاقيني مش بتفاعل زيك فى اى موضوع كاان
ما تلومنيش، ومتاخدهاش على صدرك اوى وعلى اعصابك
والاهم ما تستخفش بإحساسي،
ما تقوليش “دي حاجة بسيطة”، لإن اللي بسيط ليك…
ممكن يكون وجع متراكم عندي بقاله سنين.
الصح هو انك…
احترم سكوتي،
احترم حدودي،
واحترم طريقتي… حتى لو مش شبهك.لانى مش هكون شبهك اصلا
لإن وقت ما هتحاول تخليني أتصرف على مزاجك،
ساعتها… رد فعلي بردو مش هيكون على مزاجك، انا متخلقتش لارضائك .إلا لو ليا مزاجى فى كده .
وممكن تلاقي نفسك قدّامي مش عارف تتعامل لا مع الزعل، ولا مع المسافة اللي فجأة بقيت بينّا..الناس لازم تفهم الحدود فعلا..
