لما سيدنا عمر أتقدم لاخت ستنا عائشة رفضت وقالت اريد رجلا يصب عليا الحب صبا فهي كانت عايزة حد يحبها جدا ويتفرغ لها فطلبها مش متوافق مع سيدنا عمر لان مينفعش يسيب حال المسلمين ويتفرغ لها .
المغزى من القصة :
ادرس الشخص اللي قدامك وشوف ايه متاح وايه لا ؛ أقرأ كتالوجه كويس علشان ولا انت تزعل ولا هو يزعل ولا تعيش دور الضحية وتحس أن الناس وحشة وانت مظلوم وتقعد تشتكي !
سيدنا محمد عليه الصلاة والسلام قال خاطبوا الناس على قدر عقولهم ؛ يعني من الذكاء انك تعامل كل حد بحسب طبيعته وعقله وتعرف ايه الحلو اللي فيه وايه اللي انت مش متقبله ولو معرفتش تتعامل معاه يبقى انسحب وابعد بهدوء !
فيه ناس بتحب تتعامل مع تليفون ابيل وفيه بيحب يتعامل مع سامسونج وكل واحد بيقول على النوع اللي عارف يتعامل معاه أنه أفضل وفي الحقيقة أن الاتنين كويسين بس حد ارتاح في التعامل مع ابيل والتاني ارتاح لسامسونج
المغزى من القصة :
الناس معادن وأرواح وقلوب وشخصيات وبيئة وتربية وفكر وثقافة مختلفة ؛ فيه ناس ممكن تشوفك تحكم عليك حكم وناس تاني تحكم حكم تاني ؛ كل واحد بيحكم عليك باللي شافه منك حد ممكن يقول عليه طيب ومتواضع وحد تاني يقول تنك ومغرور وحد تاني يقول انك خدوم علشان شافك في موقف ساعدته فيه في حين حد تاني مقدرتش تساعده ممكن يقول عليك مش خدوم ؛ ممكن حد يشوفك كتوم علشان مش بتقول سر حد لحد في نفس الموقف حد يشوفك خبيث علشان رفضت تقول السر !
خلاصة الكلام : متحكمش على شخصية حد من السمع ؛ جرب وتعامل بنفسك لان كل واحد بيحكم باللي شافه وجايز جدا اللي قال كلام سيء عن حد يكون هو الشخص السيء !
فيه ناس ممكن تشوف مميزاتك عيوب وناس تشوف عيوبك مميزات وناس حباك في كل حالاتك
مينفعش حد بيحب الخصوصية وتيجي تقتحم حياته وتزعل لو متكلمش معاك في خصوصياته وتتهمه اتهامات مش فيه لمجرد انك محترمتش طبعه !
مينفعش حد حاطط حدود لنفسه وتقتحمها وترجع تضايق أنه صدك واحرجك ..
بلاش غباوة في التعامل وسوء تقدير وفهم وعشم زيادة ؛ ادرس اللي قدامك كويس علشان متخسرهوش الا لو هو درسك غلط وخسرك يبقى انسحب فورا لو حد مقدركش وفهمك غلط لان اهم حاجة التقدير والاحترام في أي علاقة
العلاقات خلقت للراحة والعلاقات اساسها الاحترام والتقدير بمفهومهم العام والشامل ومشكلة البعض أنه مش قادر يستوعب ده فتلاقي واحد مقرأش كتالوج الشخص اللي قدامه كويس ويبدأ يتعامل معاه غلط ويخسره ويتفاجيء
الواضح مع الناس مشكلته حقيقي وضوحه أنه بيسهل على الناس قراءة كتالوجه وبيبدأ هو يقرأ لهم كتالوج يقولهم ايه الخطوط الحمراء وايه اللي مش بيحبه وبرغم ذلك البعض مش بيحط في دماغه ويفضل يتعامل غلط ويزعل أن الشخص انسحب أو قطع علاقة أو رجعه غريب كما كان.
