فيه جروب على الفيسبوك إسمه قاع الهامور .. إنتشر بسرعة مذهلة حتى تعدى عدد المشتركين فيه في غضون أيام قليلة ال 2 مليون مشترك !! فكرة الجروب هو مدينة تحت الماء .. الناس عايشة فيها في عالم موازي مع الحياة فوق الماء .. لكنهم بينفثوا فيها عن غضبهم من واقع الحياة , في هيئة سخرية و ضحك و كوميكسات و نكت و قفشات ! …………………………………..

و الحكومة عشان الجروب نشأ فجأة, و المشتركين عليه أصبحوا برضه بالملايين فجأة , فيدأت تنخور وراه ! ألا يكون الإخوان اللي عملوه !!!! لكن فيه ناس تانيين من اللي عايشين في #قاعالهامور , بينفوا أي صلة له بالأخوان ,و بيقولوا سيبونا نفك عن نفسنا شوية .. مش كفاية الخنقة اللى إحنا فيها فوق المية !
في نفس الوقت طلعوا ناس تالتين, قالوا إن الحكومة هي اللي عملته عشان الناس يتلهوا في بعض ,و ينشغلوا مع بعض ,و ينكتوا مع بعض ,و اهي عصفورة جديدة كويسة برضه تمشي الأمور كام يوم !!
…………………………………
بغض النظر عن مين اللي أسس الجروب
الحكومة يجب أن تنظر للأمر بعين الإهتمام الجدي جداً !
فما يقدم في الجروب ظاهر الأمر أنه محتوى كوميدي !
لكن الحقيقة هي قمة الكوميديا السوداء !
جروب زي ده .. كل يوم بيجذب الالاف عشان بس يروحوا ينكتوا و يسخروا من واقع حياتهم .. هو بالظبط بالظبط زي اللي بيشرب مخدرات عشان يهرب من واقع حياته الأليم !
……………………………….
قاع الهامور هو جرس إنذار خطير .. مش مجرد ناس رايحة تهزر ! قاع الهامور هو ناس …بتبحث عن سعادة مفقودة في حياتها !
فرمت نفسها في البحر بحثاً عن سعادة وهمية !
قاع الهامور .. هو ناس وصلت لمرحلة اليأس !
و ما أسوأها .. من مرحلة !

فاللهم قد بلغت .. اللهم فاشهد