ولا تقدم له اجابات جاهزة لن يعمل بها
الطفلة: ” ماما النهارده رانا صاحبتي مردتش تلعب معايا “
ماما: ” ولا يهمك عادي قولليها وانا كمان مش عاوز العب
معاكي وروحي العبي مع أي واحدة تانية “
الطفلة: ” بس انا بحب رانا وعاوزاها تلعب معايا”
ماما: ” خلي عندك كرامة اللي ميرداش يلعب معاكي
متعلبيش معاه، فهمتي”
الطفلة: ” حاضر”
من الطرق الشائعة التي نفعلها كأباء دون وعي بنتائجها هي
تقديم الإجابات الجاهزة، مجرد أن يعبر الطفل عن أي مشكلة
تواجهه أو أي موقف يتعرض له، نبدأ في تقديم الحلول
والاجابات من نوعية
” أنت مكنش مفروض تعمل كده وكان مفروض تعمل كذا
ثم تعمل كذا ولما يرد عليك يقولك كذا أنت هترد عليه وتقوله
كذا ثم كذا
وأحيانًا نجعل الطفل يردد ما نقوله حتي نتأكد انه فهم واستوعب
وسينفذ نصائحنا الثمينة التي هي نتيجة لخبرات ممتدة لسنوات،
ولكن للأسف طالما أن الحلول ليست وليدة أفكاره هو فلن
يستوعبها ولن ينفذها ربما حفظها عن ظهر قلب
ولكن أثناء الموقف نفسه لن يطبقها.
الطريقة الإيجابية
الطفلة: ” ماما النهارده رانا صاحبتي مردتش تلعب معايا “
ماما: ” اممم ايه اللي حصل احكيلي “
الطفلة: ” أكيد أنت فكرتي انها كده مش عاوزة تلعب معاكي
ويمكن كمان حسيتي بالوحدة “
الطفلة: ” أه يا ماما أنا فعلا حسيت إني لوحدي ومحدش
عاوز يلعب معايا”
ماما: ” أنتي قولتي لحد تاني غير رانا “
الطفلة: “لا مقولتش لحد بس انا عارفة إني لو روحت قولت
لحد برده مش هتردي”
ماما: ” عرفتي منين انها مش هتوافق “
الطفلة: ” معرفش أنا فكرت كده “
ماما: ” طيب تعالي نفكر سوي هي ليه رانا ملعبتش معاكي “
الطفلة: ” علشان كانت بتلعب مع أصحابها التانيين”
ماما: ” صح يعني كانت مشغولة معاهم ومكنش ينفع
تسيبهم وتروح تلعب معاكي لوحدكم صح؟
الطفلة: “صح يا ماما”
ماما: “طيب أنت ناوية تعملي ايه بكره لما تشوفيها”
الطفلة: ” عادي هقولها نلعب مع بعض ولو هي بتلعب
مع أصحابها أنا ممكن اقولها انا ممكن العب معاكم “
ماما: ” برافو يا حبيبتي “
ماما:” طيب بما أنك مسالتيش حد تاني علشان يلعب معاكي
وقولتي هما مش هيرضوا من غير ما تسأليهم، المرة الجاية
هتعملي ايه علشان تعرفي اذا كان ممكن يلعبوا معاكي؟”
الطفلة: ” هروح أسالهم”
ماما: ” طيب عاوزة اسألك مش أنتي أحيانا حد من أصحابك
يبقي عاوز يلعب لعبة انتي مش بتحبي تلعبيها وبتقولي لا مش
عاوزة العب “
الطفلة: ” اه يا ماما مرة هاجر جت قالتلي تعالي نلعب كرة قدم
وانا قولتلها لا علشان انا مش بحبها “
ماما: ” طيب ساعتها مفروض هاجر تفكر أنك مش عاوز تلعبي
معاها ولا مفروض تفكر ازاي”
الطفلة: ” مفروض تفكر أني بس مش بحب اللعبة دي بس
ممكن العب حاجات تانية “
ماما: ” برافو يا عمري، أنا بحبك أوي”
الطفلة:” وانا بحبك أوي يا ماما وبحب أتكلم معاكي”
ده جزء من الكتاب
عاوز رأيكم في محتوي كتابي الجديد
كتالوج العيال
لو في أي موضوع تحبوا اناقشها في الكتاب
