فيه ستات كتير عايشة مع راجل تعبان نفسيًا، أو شايف نفسه أذكى وأفهم،ومحصلش وانه فوق الكل وعامل فيها الرجل العنكبوت النوع ده بيفضل يكسر في كلامها كل شوية ويقلل منه او يستخف او يعمل انه مش هامه… ند بند وخلاص علشان يبان انه الحكيم الجهبذ الفذ الراااااااجل اوى اوعى تنطقى انا راجل ازاى تتكلمى انا الراجل اذاى تتضحكى انا الراجل كأنه هو الراجل الوحيد الى فى البشريه طل علينا بطلعته البهيه…لااا
اهدى بقى كده يا عم الراجل لانك لازم تفهم مش دى الرجوله خالص دى اسمها قلة أدب وسفاله وبلطجه وتطاول عالاضعف لان الرجوله احتواء وسكن واحترام وخد عندك… الى كانوا عاملين فيها رجاله قبلك ومحصلوش اتعدموا بحبل المشنقه وجابوهم من بيوتهم زى الحقير الى قتل نيره اشرف ولا القاضى الى قتل المذيعه شيماء ولاغيرهم كتير عتاوله قبلك اتفرموا يا حلو وجابوا العار لنفسهم ولاهاليهم قبلهم ….علشان التكبر والغل وانه حس انه اكبر من اى حاجه حواليه وانه محصلش …
. السؤال اللي بيخوف: الست دى ليه هي ساكتة؟ ليه بتتألم في صمت بدل ما تواجه وتتكلم؟ هل هى غلبانه وضعيفه استحااااله اعرف انها صابره عليك بس مش اكتر ….
العيشة مع راجل مش مستقر نفسيًا مش سهلة ابدا
تخيلي كل يوم تصحي على شخصية مختلفة ومجنونه ومتذبذبه وملهاش كلمه ومختله ومبلطجه… مرة طيب ومره يمثل انه حنين، ومرة تانية بيزعق من غير سبب زى المجانين علشان يعملك ارهاب وتوتر وقال يعنى علشان تخافى منه، على طول لابس وش المكتئب أو العصبي او المهم الى وراه مليون حاجه وانتى ياعينى بكلمتينك الى هتعطليه ، وكلامه دايما جارح علشان كمية النقوصات الى جواه الى لازم يرميها عليكى
لما تخرجوا يجرى يسبقك ويسيبك ماشيه ورااه مينتظركيش لانه كده كده مبيفهمش فى الذوق وحجات من دى كتير لانه بيحب نفسه فقط ومتفهموش هو ظالم بنت الناس معاه ليه
..يعنى شخص مختل بجميع المقاييس .. الست في الحالة دي بتدخل دايرة مرهقة:
لو ناقشته، بينفعل ويقلب الدنيا.ويعمل فيها مجنون
لو طلبت منه يشوف دكتور، بيعتبرها بتتهكم عليه.
ولو سكتت، بتنزف من جواها وهي ساكتة.
تلاقيه بيستهيف او بيستصغر كلامها او بيقلل منه يعمل اموشن تهكم او ضحك على حاجه هى ممكن تنزلها على الفيسبوك قال يعنى الواد مش همه وفوق الكل واحنا عدينا الخطوط الحمرا بتاعت دماغه الكبيره الى هتطرشق من كبرها…
مشكله كبيره طبعا بتواجه ناس كتير وبتقعد الست تسأل نفسها ليه انا مش مع واحد متربي ومحترم ليه انا مع واحد كده؟؟
طب ما تسيبها تشوف حالها ياعم مجنون انت
ارحل عنها..
فيه ياعينى ستات بتحاول تصبر، يمكن يتغير، يمكن يرجع زي الأول… لكن الحقيقة؟ السكوت بيخلي الوضع يسوء أكتر، وبيبعت رسالة للراجل إن مفيش حاجة منك تستدعي التغيير.انت مفيش منك أمل اصلا ..
أما الراجل اللي بيقلل من مراته طول الوقت؟
“إنتي مش فاهمة”، “إنتي حساسة أوي”، “كلامك مش منطقي”… النوع ده بيخلي الست تحس إنها قرفانه منه جدا وميدستقليه بيه وبدماغه لانه مبعندوش لسان او عقل بيستخدمهم فى الصح لا راكن عقله ومشغل لسانه بس شتايم ، فى الحاله دى بتبصله وتقول لنفسها اتكلم معاك ليه أصلاً. انت واحد مبتفهمش ومع الوقت، بتموت جواها حاجات كتير جدا، إحساسها بالأمان، وحتى حبها ليه.والثقه ولما الحجات دى بتموت خلصت كده …
طب ليه الست بتسكت؟
*عشان مش عايزة مشاكل ومواجهات كل يوم لانه بياخد من صحتها ومن مجهودها مش لانها مش عارفه ترد لا هى ممكن ترد وتعرفه حدوده كمان .لكن هتكون خلصت طاقتها على واحد اهبل وفاضي.. هنقعد يشوه فى سمعتها ويقرفها بشتايم على اساس ان ده الى هيكبرع وهو اساسا بيصغرفيه مش اكتر ولا أقل..
*ممكن كمان تصبر عشان عندها أمل إن اللي بتحبه ده هيتغير.وهو مش هيتغير لانه معندوش احساس اصلا..
طب وإيه الحل؟
السكوت مش دايمًا حكمة، والصبر مش دايمًا قوة. لو العلاقة بقت بتوجعك، اسألي نفسك:
أنا عايشة مرتاحه ولا مش مرتاحه فى حد بياذينى كل يوم مش بيسعدنى ؟
هو ممكن يتغير فعلاً ولا دي اوهام هيفضل مقرف كده؟
الحلللللللل…..
الحل دورى على سعادتك انتى وبس طز فى اى مخلوق..
اعملى لنفسك صديقة لازم تحكيلها علشان لو عمل فيكى اى حاجه تقدر تلحقك لانه غير سوي و مختل زى ما قلنا…
الحب حاجة عظيمة، والصبر كمان اعظم لكن للى يستاهله فقط،
والاهم من كل ده احترامك لنفسك لازم يفضل فوق كل شيء.
احيانا بنصبر علشان خاطر ندي فرص للى ادامنا مش اكتر انه يعرف النعمه الى بين ايديه لكن مش معنى صمتك ان الى ادامك يتمادى لاااااااا اوعي جدا واعملي حسابك ليوم الغدر..
مفيش حد احسن من حد ومفيش مخلوق له سلطه على حد .لازم يكون له رادع بالذوق او بالقانون واكيد مفيش انسان بيرضى انه يتهان مع شخص مش مقدره ابدا ..
اقعدي براحتك ولكن احذرى ولاتعطى ثقتك المطلقه لمثل هذا النوع من الشخصيات وافضحيه تماما اذا تمادى
وبالنسبه للرجال بلاش تقلبوا التربيزه بالله عليكم وتقولوا الخطأ من السيدات انا هنا بتكلم عن حاله الراجل هو الى بيبدأ وبيبلطج على الحلقه الأضعف فى العلاقه .
اريد راى المرأه
اريد رأى القانون
راى الرجل بصفه عامه
الرأى العام …
