حنان غانم تكتب.. تخاريف كاتبة.. قرار نهائي

ايوا انا ممكن اطاوع قلبى واجيلك ..

ومن ظلمك وهجرك اشكيلك ..

ومن غدرك أفضفض واحكيلك ..

يمكن فى يوم يصحالى ضميرك .

أيوا لازم اجيلك .. اسمع

أعذارك .. وانسى .. واصفالك ..

واعرف ايه اللى جرالك ..

خلاك تنسى وتبيع احبابك ..

بعد ماكنت كل احلامك

و فرحة ايامك . وزهرة

بستانك .. يمكن حبى

وطيبة قلبى .. خلاك

تبيعنى فى ثوانى ..وتسببنى

مع الحيرة أعاني .. ايوا لازم

اجيلك .. ومنك اشكيلك

وانا ليا مين غيرك .. يسمعنى

ويحميني .. ومن جرحك

تداويني .. وفى حبك تسقينى

وفي حضنك تدفينى .

قرار نهائي .. هأطاوع قلبى واجيلك ..