مافيش حاجه بالشرع اسمها مايوه محجبات شرعي!!!
لا يوجد شئ اسمه المايوه الشرعي !!!!
نفسك تغيري جو وتبلبطي براحتك وأنت محجبة ؟
والحل الوحيد هو المايوه ال … شرعي !!!! ال … إسلامي !!!!
اللي مغرق المحلات والجروبات النسائية وسعره تحفة ؟؟!!
وماله حبيبتي هاتي اللي يعجبك
بس ده يتلبس فقط :
-مع النساء في حمام السباحة في يوم المخصص للسيدات وفي مكان آمن.
-أو مع أسرتك في رحلة خلوية خاصة
-أو مع صحباتك في مكان آمن مغلق عليكم
غير كده يبقى اسمه : تحايل على الدين !
أصل الشرع مفيهوش مايوهات للنساء وسط خلق الله كلهم مع بعض سوا سوا ×
ومش معنى إن جلدك متغطي بقماش يبقى حجاب
لأن من شروطه : لا يصف ولا يشف
والمايوه ده بيصف وبيلزق وبيشف وملفت للنظر،
ده غير إننا في زمن فتن كقطع الليل المظلم مينفعش تنزلي بجسمك في مسبح كله رجال وشباب ، حتى لو مش لوحدك بردو
والإسم مايوه شرعي !!
أي شرع ده اللي بيسمح بإختلاط كده؟!!
والمصيبة كمان لو منتقبة وتلبس بوركيني وتطلع تتزحلق على الزحليقة والشباب يوسعوا للاخت المحترمة اللي نازلة تغطس وتطرطش عليهم مية !!
إيه الكلام ده يا جماعة !!
هل هذا يرضي الله عز وجل؟؟
الحلول غيرها موجودة..
المايوه الشرعي هو = إستقطاب المسلمات إلى التخلي التدريجي عن الحجاب وبصورة شيطانية بحجة أسماء إسلامية ..
يا اختي الفاضلة الحجاب لغة معناه : الستر
وإصطلاحا معناه : كل ما ستر المطلوب
أو منع من الوصول إليه ومشاهدته.
وبالتالي المايوه الشرعي ده منافي لما سبق..
الشرع اللي الصقوا فيه كلمة مايوه وهو منه براء
هو اللي أمر النساء بعدم التبرج وإظهار الزينة إلا للزوج والمحارم
وبالمشي على جانب الطريق خشية الإيذاء
وإدناء ملابسها لعدم معرفتها
وليس بلبس مايوه طويل وسط الرجال!!!
اللهم اهدِ نساء المسلمين.
وايضا هل بيعها حرام وهل هنشيل وزر اننا شوفنا النصيحة ولم نبلغها؟
اسالوا اهل الذِكر(العلم)إن كنت لا تعلمون.
(صدق الله العظيم)
