رسائل هامبورج
الرسالة السابعة عشر
تمنيتها منك
………
لحظة وعد
……..
.. حبيبى موعدنا حن وحان
واتعطرندى الصبح بالريحان
نسيت م الفرحة مين انا
وساعة لقانا والعنوان
وحلال حل بالامان
فين الكتابة منك والكلام
وليه الكأبة بابتسام
افهم انك تقرأ رسالتى باهتمام
ماهو ده حالى معاك
وحال كل موجوع م آلأ لااام
..احتياجك لي
ألم لك ولى
ان لم نلتقي
والليلة نتفق
علي اللقاء لنرتقي
فإن لم ترد
إليك منك اشتكى
………..
..الووو
اعتذر صحيتك من النوم
بس هى ليلة وهو يوم ..
هنشيل فيهم هموم
ونحضن النجوم
ونرجع هنلاقى نوم
بس بطعم تانى ولو ثوانى
ونطير .. و نعوم
ونتمنى الهنا يدوم
.. قوم قوم
واقرأ كلامى الاولانى .. مرة تانى
لما تقوم
……….
.. حتلاقى معانى
تملى فينا الحنين
بعد طول سنين
اتمنيت فيها الهدية
وانت هى
بعد ليالى باردة ومش عادية
ماصدقنا اتواعدنا
واليوم ده عيدنا
.. .. .. ..
بشوق يزيد ويعاندنا
والوصال يفيض بالود
.. .. .. ..
.. وان كنت انا هديتك
قولها فى رسالة ترد…
اشوف كلامك
وتشجينى حلاوة الرد
فاض بيا وفاض بيك
من كثر شوقنا لبعض
ووجعتنا ساعات البعد
وحقنا شوية سعد
لما تصادفنا مرة
لحظة وعد
