ولسه
ح تشوفي مني كلام
يا بنت الاية!!
لسة ح أروي في خدودك
الزرع اللي زرعته
يوم ما خبرني ابوكي
انك بنوتة
فاكر الضحكة اللي هزت
أركان البيت
يوم ميلاد ك
يوم ما نورتي البيت والحته
والسكة بيني وبين عيونك ضي
فاكرة يا بت إني مشيت
لاء؟؟!!
لسة معشش جوا جدران البيت
لسة بستني
رجعوك م الجامعة… شايلة كل هموم العالم في قصيدة
او جو الصفحة لتانية بتعتك
في بوست وتنهيدة
شايف بكرة بعنيك
زي برسيم الأرض اللي زرعته
يخضر اراضيك
يوم ما جمعت المحصول
وعينكي البحر الفرحانة
وفرحان انا بيك
بصي في الصورة كويس
بصيت في العالم كله
القيكي
محتارة في عيوني سنين
اناديكي!!!!
