لا انا عاقله
ولا انت عين العقل
كلنا محتاجين لمسائله
وتغير فى المضمون والشكل
اخترتك على كيفى وقررت

لعقلى وعمرى استعمرت
والله انا فيك احترت
مش عارفه ان كنت
اتحضرت ولا اتدمرت
صابره وساكته انا على العيشه
وبقول تدبر
وياريتك فاهم ومقدر
تأمر وتنهى على كيفك
وفينا تكدر
نهارنا بقى ليل كله مغبر

بعت عزالى وخلخالى
وحيطان الدار
حتى الحله والزير والقله
ووابور الجاز
ايه تانى باقى وينعاز

فتشت فى صندوق الماضى
لقيته كله ازاز
مقصور مليون حته
من غير برواز
مقطوعه فيه السكه
لا رجعه ليها ولا جايه
ولا حدش فاز