همسة لكل زوجة
جوزك بيرجع تعبان …
بيرجع زهقان …
بيرجع مطحون …
بيرجع شايل هم بكره مش بيعرف ينام …
لو رجع و نام بينام و دماغه صاحيه و شايله هم بكره
جوزك ممكن في يوم ما يرجعش …
ممكن في يوم ينام ميصحاش …
سندك بعد ربنا …
ممكن تشوفيه بعين تانية …
العين اللي هو عايش بيها …
العين اللي كلها تعب و شقا و عرق و مجهود و مناهده و كفاح و مرمطة و إيدين شاقيانة …
علشان إديكي تكون ناعمة علشان أولادك يكونوا مبسوطين
جوزك ممكن يدخل عليكم في إيده طلباتكم …
مش مستني غير تاخدي من إيده إللي شايله بإبتسامة ، هو كده بالنسبا له تعب اليوم كله راح من الإبتسامة …
ممكن يدخل البيت ملهوش اي طلبات غير الجزء الصغير من البيت اللي هو واقف سانده بضهره و بتعبه و بشقاه و بصحته و بعمره مش عايز غير حته ينام فيها علشان ينزل يكمل تاني يوم …
سترك جوزك غيابه عنك هو غياب روحك …
تخيلي ثانية إنه رجع إيده فاضيك فطلبتي و قال مفيش ساعتها هو أخد مليون سكينة في قلبه و في كرامته
تخيلي أولادك قالو محتاجين شئ هو مش قادر عليه
تخيلي إحساس الكسره في قلبه أيه …
جوزك مربوط في الدنيا لتلبيه طلباتكم …
ممكن يرجع جايب لكم إللي بتشتهوه و هو ما أكلش شيء و هينزل تاني يوم و مش هيدوق شي من إللي جابه من تعبه و شقاه المهم إن طلباتكم حضرت و إنكم مبسوطين …
أبوس إيدين معاليكي …
إضحكي في وشه متكونيش هم علي همومه …
علشان يقدر يعافر علي همومه …
هي دي الست السند …
تخيلي انه مجاش …
تخيلي انه مصحاش …
تخيليها دقيقة و شوفي سقف الستر إللي هيتشال يساوي كام …
هينام زعلان فى مرة مش هيصحي …
هينزل شايل الهم فى مرة مش هيرجع …
هيتعصب في مرة يجرالة حاجة …
صدقيني محدش هيخاف عليكي و علي بيتك و أولادك و لا يهتم و لا يجيب طلباتكم غيره …
إياكي تكوني هم علي همه …
الأيام دلوقتي صعبة كوني سند و متكونيش شوكه في ظهره إللي بيتكسر كل يوم علشانكم …
