تساؤلات غريبة وعجيبة عن ما اسميته برلمان الغلابة والمساكين وقدمت بصفتى عضو عامل فى مجموعة الغلابة والمساكين استجوابات للوزراء فى الزراعة الاعلام والسياحة والتعليم والشباب والرياضة وسوف نستمر فى تقديم الاستجوابات واليساؤلات والمقترحات للسادة المسئولين كلا فى موقعه
كونهم يردوا على الاستجوابات او لا يردوا يطلعوا عليها او يطنشوها فهذا اخوتى اعضاء جروب الغلابة والمساكين ليس اختصاصى او دورى دورى انى انقل كلامكم واعرض مقترحاتكم واطالب بحقوقكم باى طريقة او وسيلة دورى ان ارفع صوتكم عاليا ولو بالكتابة على صفحات الفيس بوك بدلا من ان نكون السواد الاعظم من الشعب ونكون صم بكم عمى فهم لا يفقهون
دورى ان اكتب ما يجيش فى صدورنا من اقوال وما نتمناه من افعال من السادة المسئولين وان يكون لنا صوتا مسموعا او غير مسموع فى عمليات الاصلاح او ما يسموة بالحوار المجتمعى
زمان ياسادة كان للغلابة والمساكين نواب فى البرلمان بحكم القانون لغوة واصبح البرلمان والشيوخ كله من الاغنياء ورجال الاعمال اللى يدفع يدخل واللى معاة يعمل ويصرف يترشح وينجح طيب قطاع الغلابة والمساكين هيجيب منين يدفع للقائمة ولا يجيب منين يصرف ملايين على المعركة الانتخابية يبقى مش عيب ولا حرام لما نعمل لنفسنا برلمان نتكلم فية ونقول ارائنا ومقترحتنا من غير تكاليف ولا لف او دوران
برلمان الغلابة والمساكين ايها السادة المحترمين لا بيعرف ينافق حد ولا يجامل حد وبيقول الصدق ورزقة على الله ولا عامل حساب للى بيرشح الاعضاء ولا اللى بيختار القوائم ولا معاة فلوس يدفعها لحد عضوية برلمان الغلابة والمساكين مجانى وبدون اى رسوم المهم كلكم اعضاء اكتبوا وانتقدوا وقولو للصح صح والغلط غلط عبروا عن ارائكم بحرية والتزم مبادئ الادب والاخلاق فى الحديث لان الادب والاخلاق والامانة والضمير مش هتلاقيها الا عند الغلابة والمساكين اللى هم الشعب المصرى الحقيقى
واوعى حد يزعل انهم لا يردوا علينا زى ما انتم شايفين هم المسئولين بيردوا على البرلمان بتاع المنتخبين اصحاب رؤؤس الاموال ابدا مبيردوش على حد يبقى دى طبيعة الحكومة ولازم وواجب علينا نتحملهم لغاية ما يعبرونا ويمكن يردوا علينا المهم احنا مستمرين لا نبغى شكر من احد لكن كل ما نبغية مصلحة مصر والمصريين ونكون عونا للحكومة والمسئولين فى معرفة اراء الناس ومقترحاتهم ومطالبهم وهم احرار هم طبعا الحكومة ونحن الغلابة والمساكين بس لازم نقول ونتكلم مصداقا لقول رسول الله صل الله عليه وسلم من راى منكم منكرا فليغيره بيدة فان لم يستطع فبلسانه فان لم يستطع فبقلبة وهو اضعف الايمان
مش كده ولا ايه
