ما سألتش نفسك في يوم ليه معظم السلالم فى قلاع العصور الوسطى ضيقة جداً و بتلف فى اتجاه عقارب الساعة.
- أى قلعة تم بنائها عشان تكون حصن و حماية للجنود ضد الأعداء ، وتم تصميم السلالم بالشكل ده عشان تصعب القتال على الأعداء فى طريق صعودهم لبرج القلعة .
- السلالم اتبنت بالشكل ده عشان معظم الجنود بيستخدموا ايدهم اليمين.. و العدو و هو طالع على السلالم هيلاقي ان الجدار لازق فى دراعة و هايضطر يبعد عن انحناء السلم عشان يقدر يسدد ضربة بأيده اليمين و ده بيخليه مكشوف قدام الجندي فى الطابق الأعلى و كمان ضربه الجندي الأسفل بتكون ضعيفة عشان بيبذل مجهود فى انه يبعد عن انحناء السلم .
- السلم الحلزوني ده بقى مفيد جداً بالنسبة للجندي المدافع عن القلعة عشان يقدر يستغل الجدار بتاع السلم الداخلي كدرع جزئي و يقدر يسدد ضربة بأيده اليمين بالسيف بمنتهى القوة و السهولة فى اتجاه العدو من غير ما اى شيء يعيقه .
- النوع ده من السلالم بتكون الأضاءة فيه سيئة عن عمد و بتكون غير مستوية ، عشان بتفقد العدو اى نوع من انواع التوازن اثناء هجومهم على القلعة من الداخل و بكدة تبقى مهمة الأستيلاء على القلعة اصبحت مهمة صعبة جداً .
- العالم العربي مليان بقلاع حربية قديمة من العصور الوسطى وفيها أساليب دفاع عبقرية .
