كعادة الزعيم والرئيس عبد الفتاح السيسى حضور قداس عيد الميلاد المجيد ومشاركة اخوتنا اقباط مصر فرحتهم واحتفالهم بعيدهم تاكيدا من راس الدولة على قوة العلاقات الاخوية بين نسيج مصر وتلاحم الجميع فى ود ومحبة قد لا تجدها فى اى بقعة من بقاع الارض الا مصر العظيمة
وكعادة الزعيم ارسل العديد من الرسائل للعالم وللشعب للجميع على حد سواء
الرسالة الاولى قال فيها محدش من الناس بتاخد بالها من اللى بنعمله واحنا مش ناسيين ان فيه رب بيحفظنا كلنا كلنا لازم نكون متاكدين ان ربنا موجود ومحدش يقدر يعمل اى حاجه الا بامر الله سبحانه ونعالى نعم سيادة الرئيس ربنا موجود وحافظ مصر وهى فى معية الله وكل شئ بقدر وربنا يفظ مصر وشعبها ويوفقك
الرسالة الثانية مش معنى كده اننا كمصريين لا ناخذ بكل الاسباب لحماية بلدنا واول حماية لها محبتنا لبعضنا البعض ومخزون المحبة والمودة بين المصريين بيزيد يوم عن يوم نعم سيادة الرئيس نحن نسيج واحد لن يؤثر فية فتن او اشاعات مغرضة او اثارة مشاكل فنسيج الوطن واحد وكلنا فى رباط واحد
الرسالة الثالثة وهى اهم الرسائل الرئاسية على الاطلاق وهى قول الرئيس حجم الوعى والفهم الموجود عند المصريين حجم ضخم يخليهم فاهمين وعارفين يتعاملوا مع اى امر يشوفوه طبعا الشعب فاهم وعارف وصابر ومتحمل ومقدر ظروف البلد
الرسالة الرابعة ان هذا العام سيكون افضل بكثير من الاعوام السابقة ونتمنى هذا فخامة الرئيس ان نبدء فى جنى ثمار ما زرعناة فى السنوات السابقة ونبدء فى تحسين الامور وراحة الشعب بعد الصبر والتحمل والمعاناه وربنا يوفقك ويعينك
الرسالة الخامسة وننتبه لها جيدا قال الزعيم احنا كدولة وانا كانسان مسئول لازم تطمنوا انى بتعامل مع الامور كل الامور بشرف كبير وامانة كبيرة ونزاهه كبيرةواذا كان المسئول عنكم انسان مش كويس خافوا على بلدكم لو ايده متعاصه بدم الناس خافوا على بلدكم ولو ايده واخده اموال الناس خافوا على بلدكم الحمد الله لا دى موجودة ولا دى موجودة
الحمد لله سياده الرئيس لا دى موجودة ولا دى موجودة ونحمد الله ان حبانا رئيس شريف نظيف اليد طاهر القلب خلوق يراعى ربنا لكن ماذا فيمن يستغل سلطته ويستغل موقعة اسوء استغلال فيضيع جقوق البعض لصالح اخرين ويعطى ما لايملك لمن لا يستحق ويعربد فساده دون مراعاة حقوق او مراعاة لدين ويغتنى بالحرام تحت عين وسمع الدولة فلابد ياسيادة الرئيس ان تكون الامانة والشرف والنزاهة شاملة للجميع وليس لسيادتك فقط وحضرتك المسئول عن ذلك ولا نثق فى غيرك ولتكن الامانة والشفافية والنزاهة مبداء عام وليس خاص
الرسالة السادسة فقال الزعيم مصر دولة كبيرة اوى كبيرة اوى كبيرة اوى ودى رسالة قوية لكل من تسول له نفسة مجرد التفكير فى الاعتداء على مصر وكما قال من قبل اللى عايز يجرب يقرب ولنطمئن نحن المصريين على امن وامان مصر
رسائل مهمة قوية من زعيم الشعب الى كل الشعب ليتنا نراعيها ونفهما ونعمل بها وهكذا عبرنا عن راينا فيما قالة الرئيس
مش كده ولا ايه
