ترامب : مالك متشنج كده يا عباس وعمال تشتم وكأنك رافض للصفقة
عباس : أرفض ازاي طلباتك أوامر ونحن رهن إشارتك كل ما هناك كلمتين أريح بهم العيال وخلاص يعني كلمتين فك مجالس
ترامب : بس متوصلش لتصريحك إعلان حرب وطرد الجاليات والهجص ال انت عملته
عباس : أنا اقدر أعمل حاجه دون مشورتك الأكل نفسه بنستشير فخامتك فيه لأن كله من خير فخامتك وحرب إيه ال أقدر عليها وهحارب مين حبيبنا نتينياهو ولا الشعب الإسرائيلي المؤدب الوديع
ترامب : أيوه كده إنعدل لأني فكرتك واتتك الشجاعة فجأة وحسبتك ردت فيك الروح لكن ما دامت كلماتك للاستهلاك المحلي لترضي بها معارضيك مفيش مشكلة
عباس : هو انا بقي في روح او شجاعة
ترامب : وصلك المظروف إياه وإخطار البنك بزيادة الرصيد
عباس : وصل وطول عمرك خيرك مغرقنا ومهما عملنا مش هنقدر نسد جزء بسيط من جمايل فخامتك ربنا يطول لنا في عمرك ومننحرمش من سؤالك وهداياك ووقوفك معانا
ترامب : أنتم تستحقون أكثر لأنكم تتفهمون الوضع ولا تجادلون وتنفذون الأوامر راضون طائعون أستاذنك أكلم زملائك من القادة العرب الذين أزعجتهم تصريحاتك الفشنك أطمئنهم أن تصريحاتك ما هي إلا طق حنك وفك مجالس
عباس : في رعاية الله وحفظه وتوفيقه وإتمام الصفقة علي خير فخامة الرئيس ترامب الغالي الحبيب وبلغ سلامي للأخوة القادة العرب وطمئنهم أننا علي ما اتفقنا عليه بالنسبة لصفعة القرن
