فى قلبى بلاد .. مدن ..
قرى .. ميادين ..
شوارع .. حوارى ..
ناس قاعده على قهاوى ..
منهم شايل بلاوى ..
فيهم الحيران ..
والمسكين .. والغلبان ..
والحزين .. على اللى راح ..
واللى خايف .. من اللي الجاى ..
والراضى بالمقسوم ..
واللى .. واللى ..
واللى حياته كلها ضباب وغيوم ..
واللى رايح .. ومش راجع ..
زحام .. زحام ..
و بنام على احلام ..
وبأصحى على اوهام ..
وانت قاعد لوحدك ..
فى ركن بعيد .. شايفنى ..
عيونك عليا ..
ونظرتك كلها حنية ..
بأستناك تنادي ..
حأجيلك بسرعة ..
وأكمل معاك .. باقي عمري ..
وحتبقي كل اللي ليا ..
وحبك .. حدودي ..
ودنيتي .. وبلادي ..
تخاريف كاتبة
