نعيش الان مولد الانتخابات ونتجه بانظارنا فيه الى خيمة القوائم وما فيها من مواويل وانشاد دينى احيانا وغير دينى احيانا اخرى وننظر وننتظر بدون قلق او اى نوع من انواع الاهتمام بالجالسين على مقاعد هذه الخيمة فى مولد الانتخابات ننتظر ونترقب كعلم ومعرفة لا اكثر ولا اقل ننتظر معرفة وعلم بالمتواجدين فى خيمة القوائم رغم اننا لا نعترف بهم ولا بعضويتهم وهم مفروضون علينا شئنا او ابينا وكراسى الخيمة لا يمكن لاى مواطن من الشعب العادى يجلس عليها لفخامتها وغلو ثمنها وجهلنا بالمشروبات والاطعمة التى تقدم فى خيمة القوائم
اذن نتجول فى مولد الانتخابات لنصل الى خيمة مزدحمة جدا من الداخل والخارج لمن هذه الخيمة ياولاد دى خيمة اهل البلد خيمة الشعب الجالس ينتظر ويترقب عن بعد ما يحدث فى باقى خيم مولد سيدى انتخابات يعنى دى خيمة ما يطلق عليه حزب الكنبة لا اعترض لا يطلق عليه لفظ حزب لانه لا يعترف بالاحزاب هو تجمع اهل الكنبة من اجل مصر وهتف رجل من داخل الخيمة من اجل مصرى ده حقيقى مش شو اعلامى وهتاف والسلام لا من اجل مصر فعلا مش شعار زى بقية الاحزاب
وجدنا فى خيمة تجمع اهل الكنبة ثلاث انواع من التجمعات تجمع اهل المصطبة وكلنا عارفينها وتجمع اهل الحصر وبردة كلنا عارفينها حتى لو اوشكت على الانقراض وتجمع اهل الدكة المصنوعة من الخشب العادى ومفروش عليها كليم ودى للصفوة من اهل الكنبة ونوع اخر وهو الكنب المنجد وله مساند ودى لصفوة الصفوة من اهل الكنبة المهم بيجمع كل هذه الانواع من اهل الكنبة انهم من عامة الشعب وهم اكثر من يتحمل من اجل مصر وهم اهل التضحية فى كل الامور علشان مصر
اهل الكنبة ليس لهم قوائم انتخابية فهم بعيدين كل البعد عن خيمة القوائم لكن لهم مرشحين اسمهم المستقلين والمرشحين فردى وبيدخلوا فى صراع انتخابى وبيتم اختيارهم بمعرفة الشعب اللى بيمثلة اهل الكنبة وتجدهم دائما متواجدين فى خيم اهل الكنبة بعيدا عن اموال وعنجهية ومؤتمرات الثراء الخاصة بالقوائم وببهوات مرشحى الاحزاب
اهل الكنبة هم اللى اتصدوا للارهاب وهم اللى خرجوا فى 30 يونية مع اختفاء كل الاحزاب وهروبهم جميعا اهل الكنبة هم اللى بيتحملوا فاتورة الاصلاح الاقتصادى بحب هم اللى واقفين بقوة فى ظهر الرئيس لانه منهم وهم منه اهل الكنبة عايزين يختاروا بحريتهم اللى ينوب عنهم ويمثلهم ويعبر عن مشاكلهم بعيدا عن نواب المال السياسى والمجاملات والترضيات علشان كده اهل الكنبة هيخرجوا من الخيمة الى مقر اللجان علشان يختاروا نواب لهم من بين المستقلين بعيدا عن الاحزاب وما ادراكم ما الاحزاب
اهل الكنبة بانواعها عارف طريقة كويس ولن يضل او يتوه لانها مصر ياسادة
مش كدهولا ايه
