عن جدعنتها اتغنوا
وعن طيبتها يا ما قالوا حكايات
زينة في وسط البنات
وتاج على الراس وسط الستات
في وقت الشدة تلاقيها سبقاك
إيديها في ايديك ومريحاك.
ومن شيل الهم على طول بعداك
ما هو ده طبع المصريات
اوعاك بقى يا ابن البلد تقسى عليها
ما هو اصل طبعها السكات
بتحافظ على العشرة والزمن اللي فات
ودايما تقول اللي جاي ان شاء الله احسن من اللي فات.
كل أملها في الحياة الكلمة الحلوة مش فلوس وماديات
دي ممكن قصاد نظرة حنية من عينيك تفرشلك رموشها بساط
قسوتك عليها يا صاحبي بتموتها من سكات
وتحس ان كل اللي بنيته معاك راح وبقي ذكريات
اوعي تنساها في زحمة الحياة بالكلمة الحلوة و َالابتسامات
اوعي تستنى لحد ما تكون بقيت ذكرى
كل اللي هتاخده منك وقتها رحمة على الأموات
