(صحفى جاهل يسب الأطباء)** لسوء الحظ أول مره أشوف هذا الكائن الغريب العجيب وهو بيتكلم عن مشكلة خناقة الدكتور مصطفى ناصف مع محمد فؤاد
الرجل ده إسمه أحمد الخضرى وبيقول على نفسه إنه صحفى وناقد رياضى وبصراحه لو مستوى الصحفيين والنقاد وصل لهذا التدنى يبقى قلتهم أحسن
** بيقول هو محمد فؤاد ده مجنون يعنى علشان يدخل يتخانق من غير سبب ؟ فرد عليه مضيفه وقال له يعنى الدكتور هو اللى مجنون ؟
فرد عليه وقال له آه الدكتور مجنون ثم أكال الإتهامات على كل الأطباء وقال بالنص كل الأطباء بتعامل الناس وحش وبتتكلم مع الناس بقلة أدب وفاكرين نفسهم حاجه وياما هنا وياما هناك
** وعندما قال له مضيفه على العموم المستشفى طلعت بيان وقالت كل حاجه متصوره بالكاميرات والتصوير بيدين محمد فؤاد
رد وقال له تصوير الكاميرات ده كفته
** طبعاً لما تسمع هذا الكلام تعرف علطول مين اللي مجنون ومين اللي كفته ومين اللى قليل الأدب
ممكن تقول لى ياأستاذ أحمد ضباط الشرطة بيتعاملوا مع الناس إزاى ؟ وهل ياترى تستطيع إنك تجيب سيرة الشرطه وضباطها
وياترى ياأستاذ أحمد تقدر تغلط على الهواء فى كتباء النيابه ومش حأقول لك وكلاء النيابه
وممكن أسألك سؤال هل ياترى المدعو محمد فؤاد لو كان متواجد فى مستشفى للقوات المسلحه هل كان سيتجرأ على الطبيب بهذه الوقاحه وهل ياترى إنت كنت حتقول نفس الكلام ولا كنت حتخرس خالص وحتحط لسانك فى بقك ومش حتتكلم
** ياعم ماتروح تفتح ملف الفساد الرياضى والبلاوى الموجوده فى كل الإتحادات واللجنه الأولومبيه ولا دول أولياء نعمتك وماتقدرش تعض فيهم
طيب ياأستاذ أحمد علشان تبقى عارف مين الدكتور اللى إنت شتمته ده وبتقول عليه مجنون وقليل الأدب؟
ده نابغة دفعته وتخصصه يدل على نبوغه كما أنه إنسان متربى وعلى خلق ووالده أيضاً أستاذ الأمراض العصبيه فى طب عين شمس يعنى إنسان متربى ومن عائله محترمه
مش عاوز أقول لك حضرتك ومحمد فؤاد تطلعوا إيه بس لما سألت عليك عرفت إنك كنت بتترعب من إسم مرتضى منصور وبتخاف تجيب سيرته وفعلا واضح إن حضرتك صنف بيخاف مايختشيش
** صحيح اللى إختشوا ماتوا وأمثال هذا الرجل يوضح مستوى الإنحدار الذى وصلنا له وهو شتم وسب وضرب الأطباء وكل المحترمين وفى نفس الوقت نقول لأمين الشرطه ياباشا مع كامل الإحترام لكل المهن وكل الناس مادام يؤدون عملهم بإخلاص وشرف
