فى كل مجتمع نعيش فيه نجد شخصيات غريبة وعجيبة اطلق عليهم لقب فرقع لوز وهى حشرة من انواع الخنافس التى تضر بالنباتات وهى تجيد الدفاع عن نفسها من اى عدو خارجى عن طريق التظاهر بالموت فتسقط على الارض وتظل لعدة ثوانى مستلقيه على ظهرها بلا حراك وفجاءة تثب وثبة سريعة عالية فى الهواء للابتعاد عن مكان الخطر اى تجيد فنون الاستعباط والاستهبال
وفى مجتمعنا يوجد اشخاص تشبه فرقع لوز منها الايجابى ومنها السلبى وتتميز هذة الاشخاص بصفات مشتركه تحب دائما ان تطفوا على السطح دون حق او امتياز واصبح وجود ظاهرة فرقع لوز فى المجتمع ظاهرة واضحة للجميع بالرغم انهم غير مؤهلين بالمرة للقيام بدور فرقع لوز فى المجتمع تجدة فى كل حديث يعلو صوته ويهاجم بشدة من يحاول ان يتخطاة او يتميز عنه وكانه فرقع لوز حقيقى يحاول ان يظهر نفسة وكانه المنقذ الاوحد اللى مفيش زية بيحاول الاستاذ فرقع لوز البشرى ان يوهم الناس من حوله بالزور والبهتان ان لديه اتصالات خاصة وانه واصل لفوق فوق فين معرفش ولديه قدرات مكنونة تنجز اصعب الامور وهو تجدة لم ينجز اى شئ على الاطلاق والاهم ان فرقع لوز بيحاول يرهب الناس ويخوفهم باية وليه معرفش
دائما تجد فرقع لوز البشرى بيحاول يوجد لنفسة مكان فى المجتمع بلم انواع مختلفة من الحشرات والخنافس حتى يظهر وكانه فارس عصرة وزمانة وان كل الحشرات تتجمع حولة ضارة نافعة مش مهم المهم يهتفوا له بابا فرقع لوز حضر بابا فرقع لوز هو المسئول الاول هو المعجزة الخارقة بابا فرقع لوز هو اللى بيعمل هو اللى بيقول مع انه حشرة اسمها فرقع لوز
دائما تجد المجتمع الصح بيرفض ظاهرة فرقع لوز البشرى الكل يتمنى ازاحتها باى مبيد او مطهر لان فرقع لوز ضعيف حتى لو استهبل او استعبط وتمسكن وعمل نفسة ميت لانه ظاهرة مؤقتة فى المجتمع لانه بلا جذور ولا اصول فرقع لوز خنفسة حشرة ضعيفة حتى لو اطلقوا عليها احسن واغلظ الالقاب
من الاخر امثال فرقع لوز اقول لهم اتقوا الله فى انفسكم وفى ماضيكم وحاضركم واعرفوا اصولكم وجذوركم ولا تتعدوها واحسنوا الظن بالناس واعطوا لكل واحد قدره وقيمته ولا تتكبروا على الناس ولا تتصنعوا الافعال حتى تعلوا قيمتكم فقيمة كل فرقع لوز معروفة ومحفوظة مهما عمل او فعل فهو فرقع لوز
مش كده ولا ايه
