جريدة الاخبارية سياسية::شاملة::مستقلة
مقالات مشابهة
هتلاقي لحظة بتغيرك و تبدلك للأبد
بتكون فيها إنسان غير الإنسان
لحظة بتتحفر جواك علي طول الأمد
لحظة مرعبة بيموت فيها الأمان
الأوله
لحظة فقدان السند
و خلخلة و وانعدام الوتد
ومهما زاد أو أقل حواليك العدد
بتحس بوحدة و لو عندك ١٠٠ ولد
التانيةَ
لحظة كسر العشم
واللي بيحبك بيزرع جواك الألم
لحظة ما تتوصف بمليون قلم
كسر خاطر بيرفرف و كأنه علم
التَالتةَ
لحظة ما تفتح عنيك
وتعرف الصادق من الضاحك عليك
فبتضحك ودموعك مغرقة كفوف ايديك
ماتعرف ديه فرحة ولا حزن علي الكدب حواليك
هتلاقي لحظة بتغيرك و تبدلك للأبد
بتكون فيها إنسان غير الإنسان
لحظة بتتحفر جواك علي طول الأمد
لحظة مرعبة بيموت فيها الأمان
