نغمة اطلقها البعض للاسف ممن يعتقدون انهم مثقفين وحاصلين قال على الدكتوراة فى ايه معرفش يمكن دكتوراة فى حتى نغمة نشاز قد تكون بتوجيهات او تعليمات الاشكال دى لا تقول الا بالاشارة او الاوامر لعندهم حرية ولا لهم راى فيما يقولون او يكتبون كلة قل او افعل فيقول ويفعل طبعا النغمة النشاز دى سموها عايزين نغير تفيروا ايه مش تستحموا الاول وتتطهروا وبعدين تغيروا ولا هتغيروا بدون شاور بلغتكم علشان تفهموها مانتم بهوات وكبار مش زى الشعب الغلبان
مين اللى يغير انتم حضراتكم انتم الخصم والحكم انتم تقولوا تغيير والشعب يقول امين ولا الضالين فيه ايه غيروا من انفسكم انتم الاول اكبروا وابحثوا وتعلموا غيروا انفسكم واخلاقكم وفكركم واسلوبكم وطريقتكم اللى الناس قرفت منها ومنكم اتغيروا وخلوا لكم راى حر اتغيروا واخرجوا من التبعية والانقياد والاستسلام اتغيروا وقولوا الجد واشهدوا بالحق اتغيروا وبطلوا نفاق وقلة قيمة اتغيروا واحكموا بين الناس بالعدل اتغيروا وراعوا ربنا فيما تقولون وفيما تفعلون مش انتم اللى تغيروا اتركوا الشعب مرة يقول كلمته ولما الشعب يحب يغير هيغير ما احنا الشعب اللى غيرنا وطردنا الاخوان واحنا الشعب اللى عارف امتى يغير وامتى يسكت
تغيير ايه يا فندم هل ممكن نغير ونهدم الاهرامات ولا نتغير وندمر السد العالى ولا ايه رايك نتغير ونردم قناة السويس لا بلاش نتغير ونرجع حكم الاخوان عارفينهم طبعا فاكرينهم ولا نسيتم نتغير بلغة العصر ونهدم المتحف الكبير علشان فيه اصنام ايه رايك نتغير وبلاها عاصمة ادارية جديدة ولا العلمين الجديدة بلاها استثمار نتغير يا فندم ونمشى وراء قنوات الشر اللى بتطالب زيكم بالتغيير
نغمة نشاز نغمة ضعف نغمة جهل وحقد وغل نغمة ناس عمياء لا ترى ولا تسمع ولا تشم حتى نغمة اوامر ان الله لا يغير ما بقوم حتى يغيروا ما بانفسهم
اتفضلى يافندم غيرى بس عرفينا هتغيرى ازاى
مش كده ولا ايه
