حوار ممتع مع شاب فى قطار الزقازيق منيا القمح لا اعرفه وبادرنى بتحية كبيرة وعرفت انه طالب بكلية الزراعة وسالنى سؤال لم استغربه وقال بالنص لماذا كلكم الجيل الكبير بتحبوا او تعشقوا مصر لهذه الدرجة الكبيرة عكس اجيالنا بنحبها جدا بس مش بطريقتكم انتم بتعشقوها بلغة الحب
طبعا يابنى بنحبها وبنعشقها وكلكم مثلنا بس اعتقد اننا بنعرف نعبر عن هذا الحب الكبير بطريقة قد تعجزوا انتم عنها ولكن لاشك ان كل المصريين بلا استثناء بيعشقوا مصر ويمكن احنا كجيل تعلمنا وشوفنا حاجات انتم مشفتهاش احنا عشنا فى عهد جمال عبد الناصر واتعلمنا منه الوطنية الصادقة وكانت التحديات بتواجة مصر وعلمونا ازاى نتصدى لها اتربينا سياسيا فى معاهد الدراسات الشبابية على ايد خبراء وسياسيين كنا بندرس تربية عسكرية من اولى ثانوى حتى انتهاء المرحلة الجامعية بمفهومها العسكرى القوى جدا مش مظاهر
احنا بنعشق مصر لاننا عشنا نكسة يونية 67 بكل ماساتها وظروفها وجمعتنا ولم تفرقنا احنا اللى علمتنا النكسة واستفادنا منها علمتنا الصمود والتصدى وتحمل المشاق ورفعنا شعار لا صوت يعلو فوق صوت المعركة وجوعنا وصبرنا واتحملنا واعدنا الثقة لنفسنا ولزعيمنا ولجيشنا زى ما انتم واحنا بنعمل النهاردة يبقى النسيج واحد والحب لمصر بيجرى فى الدم مش بيختلف من جيل لجيل
احنا حبينا مصر بجنون وقعدنا مجندين عشر سنين فى الجيش بعد النكسة واحنا اللى خضنا حرب اكتوبر وحررنا ارضنا واحنا اللى مسح خط بارليف بخراطيم المياة واقتحمناة فى ست ساعات واتعرضنا للاستشهاد والموت من اجل معشوقتنا مصر وكرامة مصر وجيلكم بردة حارب الارهاب فى سيناء عشر سنوات ومنهم من استشهد ومنهم من بقى اذن حبنا لمصر والدفاع عنها صفة لكل الاجيال مش لجيل واحد لان مصر حبنا كلنا
احنا الجيل اللى اعاد افتتاح القناة بعد 73 واعادناها للملاحة بقوتنا واموالنا وخبراتنا وابهرنا العالم حبا فى مصر طيب جيلك عمل ازدواج القناة وشق قناة جديدة جنب القديمة اللى عملها اجدادنا واعدناها للملاحة وانتم جعلتوها مزدوجة تناغم اجيال وتواصل حب وعطاء لمصر من الجدود حتى الان وهتستمر لان حبنا لمصر يجرى مجرى الدم فى العروق
احنا عشنا فى عهود اممنا فيها القناة وبنينا فيها السد العالى واستصلحنا مديرية التحرير ووادى النطرون وانتم ماشاء الله النهاردة واحنا معاكم بنطور ونبنى مصر بمشروعات عملاقة فى كافة المجالات جيلنا وجيلكم وكل الاجيال لاننا بنحب مصر ونعشقها وهنبنيها ونميها ونخليها ام الدنيا حقيقى
احنا جيل رفض سماع الاشاعات وورفض التنظيمات الارهابية ووقف بوطنية مع بلدة وثورتة زمان وكلنا النهاردة اجيال قديمة او جديدة رفضنا الارهاب وقضينا علية ومش بنسمع للاشاعات المغرضة وواقفين جنب قيادتنا الوطنية لاننا كلنا بنحب مصر
كلام كويس ياعم الحاج بس انا شايف ان حبكم انتم اكبر لا ياحبيبى حبنا احنا حب متعقل بلا استعجال ناتج عن خبرات وتجارب واقتناع اما انتم شباب اليوم معذورين لانكم تعيشون عصر السرعة والانفتاح والتكنولوجيا اللى احنا معرفنهاش ومشفنهاش علشان كدة حبكم حب متسرع متعجل العطاء والنتائج
انما حب مصر فى دم وعروق وقلب كل الاجيال المصرية المتعاقبة باشكال مختلفة وظروف متغيرة ومشاهد مالوفة لا تفرقة بين جيل واخر يلا ننزل وصلنا منيا القمح واشكرك
مصر فى وجدان وقلب كل المصريين بلا اختلافات او تفاوت كلنا بنحب مصر
مش كده ولا ايه
