د. محمود البحراوى يكتب.. فرنسا خرجت

** خرجت فرنسا أكتر بلد سرقت إفريقيا فى التاريخ بل ومازالت تسرقها حتى الآن

** خرجت فرنسا بعد أن وصلت للدور قبل النهائي بإحرازها هدف واحد من ضربة جزاء وهدفين ذاتيين أحرزتهم الفرق المنافسه لها فى أنفسهم (عمرم شفت حظ زى كده)

** خرجت فرنسا رغماً عن أنف حفيظ دراجى هذا المذيع المستفذ أنا مش عارف هو لسه ماوصلش سن المعاش علشان نرتاح من( أووه لاللاه) بتاعته دى

** خرجت فرنسا وبذلك لن يحقق (ديشامب) إنجاز بأنه يكون الوحيد الذى حصل على كأس العالم كلاعب ومدرب وكذلك بطولة اليورو كلاعب ومدرب
بذمتك مش تبقى مصيبه لما واحد زى (ديشامب) يحقق هذا الإنجاز اللى محققوش قبل كده عباقرة اللعبه والتدريب فى أوروبا زى القيصر فرانز بيكنباور
مش كفايه لاعب أونطه إسمه (ميروسلاف كلوزه) هو الهداف التاريخي لنهائيات كأس العالم مايبقاش هو و(ديشامب) كمان يعنى
هى كرة القدم أحياناً بتكون كده ظالمه وشوية لعيبه مالهاش فيها يحققوا إنجازات ولاعبين تانيه عباقره مايحققوش هذه الإنجازات واللى مش مصدقنى يفتكر إن هشام يكن وعادل عبد الرحمن لعبوا فى كأس العالم والخطيب وحسن شحاته مالعبوش كاس عالم

** خرجت فرنسا وأنا فرحان فيها لأنى لم أحبها منذ الثمانينات منذ جيل بلاتينى وتيجانا وروشيتو وبوسيس وجيريس وسيكس ولاكومب وتريزور وياسبحان الله كانت بطولة الأمم الأوروبية عام (1984) فى أرضها فى فرنسا وقابلت البرتغال فى قبل النهائي وكانت مهزومه (١/٢) ويومها تألق بلاتينى وأحرز هاتريك لتفوز فرنسا (٢/٣) لتقابل أسبانيا فى النهائى وتفوز بهدفين لاشئ وكنت بأشجعها جداً وكانت البطوله خلال شهر رمضان المبارك وكنت أنا فى سنه ثالثه طب عين شمس والنهارده بعد أربعين سنه تغير كافة شئ حتى شعورى فى التشجيع وهى الدنيا كده

** خرجت فرنسا أكتر بلد سرقت إفريقيا فى التاريخ بل ومازالت تسرقها حتى الآن

** خرجت فرنسا بعد أن وصلت للدور قبل النهائي بإحرازها هدف واحد من ضربة جزاء وهدفين ذاتيين أحرزتهم الفرق المنافسه لها فى أنفسهم (عمرم شفت حظ زى كده)

** خرجت فرنسا رغماً عن أنف حفيظ دراجى هذا المذيع المستفذ أنا مش عارف هو لسه ماوصلش سن المعاش علشان نرتاح من( أووه لاللاه) بتاعته دى

** خرجت فرنسا وبذلك لن يحقق (ديشامب) إنجاز بأنه يكون الوحيد الذى حصل على كأس العالم كلاعب ومدرب وكذلك بطولة اليورو كلاعب ومدرب
بذمتك مش تبقى مصيبه لما واحد زى (ديشامب) يحقق هذا الإنجاز اللى محققوش قبل كده عباقرة اللعبه والتدريب فى أوروبا زى القيصر فرانز بيكنباور
مش كفايه لاعب أونطه إسمه (ميروسلاف كلوزه) هو الهداف التاريخي لنهائيات كأس العالم مايبقاش هو و(ديشامب) كمان يعنى
هى كرة القدم أحياناً بتكون كده ظالمه وشوية لعيبه مالهاش فيها يحققوا إنجازات ولاعبين تانيه عباقره مايحققوش هذه الإنجازات واللى مش مصدقنى يفتكر إن هشام يكن وعادل عبد الرحمن لعبوا فى كأس العالم والخطيب وحسن شحاته مالعبوش كاس عالم

** خرجت فرنسا وأنا فرحان فيها لأنى لم أحبها منذ الثمانينات منذ جيل بلاتينى وتيجانا وروشيتو وبوسيس وجيريس وسيكس ولاكومب وتريزور وياسبحان الله كانت بطولة الأمم الأوروبية عام (1984) فى أرضها فى فرنسا وقابلت البرتغال فى قبل النهائي وكانت مهزومه (١/٢) ويومها تألق بلاتينى وأحرز هاتريك لتفوز فرنسا (٢/٣) لتقابل أسبانيا فى النهائى وتفوز بهدفين لاشئ وكنت بأشجعها جداً وكانت البطوله خلال شهر رمضان المبارك وكنت أنا فى سنه ثالثه طب عين شمس والنهارده بعد أربعين سنه تغير كافة شئ حتى شعورى فى التشجيع وهى الدنيا كده