زمن واهى مالكش أمان
ضَعيف الَنِيَّةُ والبُنيان
لاتقدر تِحمى ف ضلوعك
طفولة مهد أو شبان
وبقلوعك
مراكبك وردها دبلان
مالكش أمان
…
بتشرب من بيار راكدة
برى النهر مش رويان
بنجمة ليل بتدفا
بشمس الصبح مش دفيان
رَبَّش ناشف ملا قلبك
ماتعرف رعشة الإيمان
مالكش أمان
…
مداينك كلها عتمة
وماشى بصحبة العميان
ولو زار نور ضلام ليلك
تخاف لو فجر قامله أدان
وفاتح للهوى بحورك
وميت وسطها غرقان
مالكش أمان
…
بتزرع صبر ومرارة
وأغصانك ملاها الشوك
ولو نبتت غلط وردة
على تلة
بتقطفها
وترميها
وتدفن اللى بانيها
لايوم أرضك تكون بستان
مالكش أمان
