شوفت طريق كان كله ضلمه
ضوءه يا دوب يلم اللمه
على الصفين مرصوص كراسي
فيها بس صمت وعتمه
….
فجأه فى وسط الضلمه ظهر
واحد لابس شيك وقمر
نظارته لايقه عليه وكمان
احنا فرحنا بإنه حضر
…
وتانى رصيف لمحنا واحد
لابس لبس غريب مش واضح
بس ضحكنا عليه ومشينا
دمه خفيف كالعطر الفايح
…
دار فى البال سؤال وغوشنا
ايه اللى ودا ابو لبس ظريف
للآخرانى اللى مفرفشنا
قعدين قعده يا سلام عليها
فايحه ريحة الحب فيها
أتارى العايق كان فيلسوف
وأخوه الرايق كان اراجوز
…..
بس صراحه دويتو يجنن
خلى العقل معاه بيفنن
يكتب سيناريو وله حوار
عن فيلم رائع بإختصار
واحد واحد ومافيش صفر
والاثنين كان بينهم ضفر
محسوش لحظه بإختلاف
ونقول يالا قرب شوف
أراجوز خفه وفيلسوف
